三星台菜食堂 (新城市廣場一期) (已結業)

今晚去试左一间台湾餐厅,餐厅系系沙田新城市广场地下，近戏院既位。应该系疫情既关系，条街少左人，间餐厅都冇咩人，所以好快就入到去啦。坐底之后我地就叫左两个主菜同一款小食，分别系三星面，台式炸鸡排卤肉饭，同埋蒜泥白肉。先讲三星面，三星包括有牛筋，牛展同牛肚，汤底好浓郁，系用左大量牛骨熬成既，仲有萝卜同洋葱，d牛食落唔硬，配埋萝卜一齐食，一d都唔腻。最后个面好有咬口，一路食一路饮下红烧牛肉汤底，好好味！之后就系台式炸鸡排卤肉饭，鸡排烤到好似盐酥鸡咁香口，但系又唔系好咸，配埋卤肉饭一齐食非常开胃，好似去左台湾夜市既感觉。个饭只唐心蛋都系重点，十分好食最后就系蒜泥白肉，d肉好多好大块，但就略嫌唔系好够辣同堆d肉旧旧都有软骨，食落要花d牙力！