呼吸咖啡茶館 (已結業)

今日约左朋友共6位去晚餐，服务食物都差到爆。首先上到2楼入坐，但叫我地去4楼量体温，再落返2楼，点解唔系2楼整部量体温器？之后坐低一本menu都冇，不停叫人都冇理，仲要自己左揾右揾先有menu睇下。落单又系叫极都冇人理，我同其他3位朋友叫同一款意粉，8点落order，9点先黎野食都算，都明白点同一款野通常会一次过煮，但黎到份量真系少得可怜（相片果碟已经系最大碟），而且完全系hea整，鸡扒意粉一旧鸡扒都冇，有果碟都系得细细旧，但就收成130蚊一碟？！味道算系普普通通，但服务同性价比就真系史冇前例咁低，强烈唔建议朋友去，自己亦都唔会再去。