四季煲仔飯

营业中

休息中

呢间煲仔饭好出名，所以一直都想去食，今日终于约到朋友食，结果，我地都好失望。一去到，环境一般，不过有冷气都算好噶。我地两个都系大食噶，所以每人各叫左一个煲仔饭，一份细蚝饼，一份生菜。蚝饼好快到，望落好似几大份甘，原来呃人噶，两块蚝饼加埋都唔知有无5粒蚝仔，全部都系粉，空气甘，而且又油。碟生菜都系，劲多油。戏肉系煲仔饭。我叫左个排骨滑鸡煲仔饭。d饭完全仲系米离噶，o晒嘴，成煲都系生米。同个姐姐讲，姐姐话帮我再煮下。唯有再等啦。朋友叫左个腊肠滑鸡饭，区话完全无味道，所以落左好多豉油，但都系无么味，区好夹硬甘食左一半，因为唔想浪费。再等左10分钟左右，我个煲仔饭终于二次加煮完。立刻食一啖，完全食唔到，都系生米，点食阿。仲要劲干，我唯有食晒d肉，但饭真系食唔到。呢间煲仔饭已经比我同朋友blacklist左，我地都话呢个系我地食过最难食噶煲仔饭。