Zenon Café (裝修中)

早前喺呢度叫咗杯60蚊嘅咖啡。首先讲味道, 基本上系完全冇味,v更唔好讲咖啡香, 只系有漂浮住些少好稀嘅蜜糖味, 但杯嘢基本上系好淡嘅酸苦味, 杯嘢系比室温温暖少少， 从来未试过叫一杯热咖啡个温度系咁样，大家唔好唔记得，杯嘢系要60蚊，连m记即磨咖啡都好饮过佢, 完全冇夸张。 我喺中环试过咁多间大大小小嘅咖啡店, 从来冇饮过一杯咁难饮嘅咖啡,搞到我饮咗一啖就要掉一杯60蚊嘅咖啡。第二，佢嘅服务系零。我哋去嘅时候，间舖得 一枱客而我见到, 而我见到𠮶台客其实已经食紧嘢, 但我哋两杯咖啡佢都搞咗几乎十分钟。喺大家都咁著重卫生嘅时候，个staff冚盖系冇带手套, 仲要冚一半唔冚一半，一攞上手就会倒泻。畀钱仲搞笑，我哋系叫外卖嘅，但系我哋叫嘅时候已经银包都攞埋出嚟，但佢净系畀张单我哋，搞到我哋要主动问佢系咪依家畀钱，佢仲要呆咗两秒先问我哋收钱。 其实呢间嘢我几年前有帮衬过, 𠮶阵系有食佢嘅食物嘅, 质素上尚可。但依家试咗佢啲咖啡质素如此之差, 服务亦都咁差, 而d staff 整咖啡嘅时候竟然系冇戴口罩。一杯60蚊嘅咖啡，系喺中环嚟讲都算贵。极不推荐大家再去帮衬呢间咁有问题嘅餐厅。