KOI Thé (已結業)

朋友推介KOI The好好饮，叫我一定要去试下。今日经过佐敦KOI The,于是就睇下有咩野饮啦。这间店门面都几得意，有大大KOI The 珍珠饮品模型供客人影下相打下卡。金色白底茶杯标志简单得黎时尚。都几多选择下，茶，奶茶，招牌玛奇朵，口感系列，茶拿铁及果汁，连Size都有大中小之分。左拣又拣，拣左芋圆红茶拿铁，中size，七分糖，少冰，$30。店铺有5-6个店员，在我之前亦没有其他客人在等待饮品，单单我一杯饮品等左成十分钟，效率何其慢？充足人手，有5-6个职员，究竟在忙什么呢？客人暴晒下等左成10分钟，终于有野饮啦。睇落卖相都唔错，层次分明。店员提示饮用前先摇一摇，更宜饮用。饮落发现中伏！啜极都啜唔到，d芋圆塞实晒支饮筒，饮来饮去都饮唔到。之后成支饮管拎出黎，从饮管底部吸返d芋圆出黎。哗！咩事丫？有冇搅错，成条芋圆面条吸左出黎，十几粒芋圆串串相连，痴埋一齐。这是什么鬼东西？等左成10分钟，精心制作的饮料，原来系垃圾！垃圾！之后再饮下杯芋圆红茶拿铁，太甜好难饮，红茶味欠缺，没有拿铁味，劲重奶精糖水味，芋圆硬崩崩。无下次，免费送俾我都唔会要啊！