蝦麵店 (荃新天地) (已結業)

听讲呢间系好出名嘅马来西亚虾面店，所以就趁星期日放假黎试吓。我哋嗌左个槟城寻味二人套餐，有超多嘢食。自选面食两款，分别嗌咗咖喱喇沙汤底配虾肉鱿鱼河粉，同埋福建卤汤底配海鲜油面。佢嘅喇沙汤底睇落好似好辣，但系食落都唔算好辣，有好香嘅咖喱味，配料都好多。福建卤汤底好特别，份量好多，有多款海鲜。个餐仲包埋马来香炸鸡翼两件同两串马来沙嗲鸡脾肉串，鸡肉嫩滑，香口得黎唔会好热气。四拣一嘅小食，我哋要咗白胡椒肉骨油条，啲汤好清甜，有少少胡椒辣，饮落好舒服。三拣一嘅小食，我哋要咗五香脆炸豆腐豆卜，脆卜卜但系唔会觉得好热气。甜品方面，我地要咗亚参脆多士，一共有三块薄多士，上面有甜甜地、好特别嘅酱。另一款我地就拣咗摩摩喳喳，系热食嘅甜品，有好多好香嘅芋头粒系入面，好香好好食。佢嘅杏仁茶都好香好好饮，值得一试。