峇峇娘惹 (彌敦道) (已結業)

今日睇完物理治疗，两点半先食第一餐，之前喺度食过lunch，第一次喺度食下午茶，不过可惜无肉骨茶拣，最后就食咗香茅骨叻沙+素业春卷，饮槟城桔子酸梅特饮。香茅骨其实都几多肉，我开头好担心得旧骨无肉食，但原来系香茅猪扒，有香茅味，几松化，但啲肉又唔会鞋!叻汤汤底几浓几惹味，有鱼片头，豆卜，同埋油面同米粉。原本跟餐加小食系鱿鱼春卷，不过menu改咗做素菜春卷，味道唔错，甜甜哋。最后就系杯桔子酸梅特饮，有冻同热选择，而且无限refill，酸酸甜甜，几醒胃。