影片
更多
2022-05-07
636 浏览
疫情放宽，虽然话各行各业都暂时脱离难关，但有唔少店舖都被迫结业。我之前都介绍过两间，而呢间就在疫症严重时系宁愿唔开舖，「输少当赢」。 Rempah 嘅意思系「香料」咁解。东南亚嘢就出哂名系又辣又重口味又多香料，餐厅最主要就系想唔打破传统，但同时又要融合现代元素嘅食材/煮食方法。 店舖位于轩尼诗道，我个人觉得比起湾仔站，佢离金钟站仲近一D，但其实店舖都系比较偏僻嘅。当日去到午市时段，系有好多人排队，可想言知人气有几高。 店内装修以黑白风为主，望落地下有个令人有密集恐惧症嘅欧式黑白砖头地板，望出窗外又有个好奇怪嘅路边街外位。钟意佢有D油画/绿色植物去中和返个气氛，如果唔系我会觉得有种「唔敢整污糟张枱嘅feel」。 餐牌就好简单，主食就得三款面-虾面/汤叻沙/干叻沙，饮品有四款。顺带一提，呢度嘅Kopi/Teh系咖啡/红茶+炼奶，Kopi/Teh O系咖啡/红茶+糖，但有D讲话teh/kopi系咖啡/红茶+糖+炼奶。 Nonya Laksa Lemak $98 「叻沙同其他东南亚菜一样要先整个paste，最主要就有干/鲜辣椒/香茅/南姜/峇拉煎/姜黄...etc，特别D就有虾干仔/石栗(ca
Rempah 嘅意思系「香料」咁解。东南亚嘢就出哂名系又辣又重口味又多香料，餐厅最主要就系想唔打破传统，但同时又要融合现代元素嘅食材/煮食方法。
店舖位于轩尼诗道，我个人觉得比起湾仔站，佢离金钟站仲近一D，但其实店舖都系比较偏僻嘅。当日去到午市时段，系有好多人排队，可想言知人气有几高。
店内装修以黑白风为主，望落地下有个令人有密集恐惧症嘅欧式黑白砖头地板，望出窗外又有个好奇怪嘅路边街外位。钟意佢有D油画/绿色植物去中和返个气氛，如果唔系我会觉得有种「唔敢整污糟张枱嘅feel」。
餐牌就好简单，主食就得三款面-虾面/汤叻沙/干叻沙，饮品有四款。顺带一提，呢度嘅Kopi/Teh系咖啡/红茶+炼奶，Kopi/Teh O系咖啡/红茶+糖，但有D讲话teh/kopi系咖啡/红茶+糖+炼奶。
Nonya Laksa Lemak $98
Nonya Laksa Lemak
$98
44 浏览
0 赞好
0 留言
「叻沙同其他东南亚菜一样要先整个paste，最主要就有干/鲜辣椒/香茅/南姜/峇拉煎/姜黄...etc，特别D就有虾干仔/石栗(candlenut)去令个酱厚身D。之后就炒到个酱变色再加虾汤/椰奶/椰糖/鱼露...etc调味。
叻沙都有分唔同派系，但究竟系源自马来西亚/新加坡?...我就唔加入喺呢个战团度啦🤣。Lemak系指「脂肪」咁解，即系叻沙必有嘅椰奶。而Nonya-娘惹菜即系中式X马来料理(e.g.椰汁糕)」
价钱同我平时食开𠮶D就偏贵嘅，一碗嘅份量就唔算好多，但食唔饱可以免费添面。网上睇佢会连汤去俾你嘅，所以就唔会惊唔够汤嘅。
汤底舀起黎厚身适中，见到入面有好多磨成蓉嘅香料同辣椒碎，饮落浓度适宜，香惹鲜美，椰奶嘅比例系唔算多𠮶只，主要系食佢嘅汤头同所有香料结合嘅正宗口味。
虾肉见到系事先用人手挑虾肠后切开一半，虾嘅鲜味就唔太显著，口感爽嫩，纹理紧致，胜在有六旧。蛋就估唔到有整到七成熟，微微浆身。豆卜就似系个吸汁嘅海绵。炸鱼片头切成长条型，弹牙鲜美。
面条就用咗米线，好奇怪会见到呢样野出现喺东南亚菜度。米线就算系成碗面嘅缺点，感觉就太熟啦，冇任何口感。仲有D芽菜/干罗勒，整体都算系非常之唔错嘅。
Kaya Toast $38
Kaya Toast
$38
31 浏览
0 赞好
0 留言
通常咖央多嘅饀都系由一个以椰浆/蛋/椰糖...etc煮成嘅酱再加软化牛油嘅。但呢度就只加班兰咖央酱。佢堆叠得好高，又好似好吸引咁。
多士烘得香脆，或许更脆都得。内里嘅酱冰冻厚身。比起抹酱，佢食落更厚身更浆身(应该系煮得耐D?)，班兰嘅香气漂泊四散。浓缩后嘅椰浆，佢好浓郁而甜度刚好嘅，几啱我口味。
张贴
