居食屋「和民」 (已結業)

因为之前十一月来和民有coupon送，趁住今日黎葵芳影圣诞装饰，就顺便黎用咗佢啦。我地未够七点黎到，门口已经好多人等紧位，结果足足等咗半个钟先有位，相当夸张。两个人叫咗一份饺子，一个锅及一个薄饼，份量刚刚好。和民自慢铁板饺子 :一份饺子有八只，饺子皮煎得香脆，猪肉馅肉汁丰富，店员上菜会提供麻油及辣油，但个人觉得唔驶沾都已经好好味。风味相扑鸡肉锅 :我地两个人叫咗个大的，但由于配饭或乌冬要另外加钱，所以感觉份量都唔系好多。上菜时锅仍然系冻的，再系台面用个炉慢慢煲滚，锅除咗鸡肉外，亦有鲮鱼肉，豆腐，红萝卜，菇等等配料，汤底系柚子胡椒汤，清得黎带有轻微辣味，所有食物煮淋后吸收晒汤底，感觉好暖和。和风比萨 :配料有叉烧及照烧鸡，再加入照烧汁去烤，入口香脆，但上菜时系全块上，要客人自己切开，有d唔方便，如果日后餐厅可以切埋先上菜就更好了。