香港郵意 (已結業)

听朋友介绍尖沙咀有间好大既楼上cafe可以同朋友一边食饭一边倾计，今日终于都试到啦。一上到2楼已经见到一个好大既空间，就咁睇有少少似图书馆既一角。可能系café餐厅所以饮品选择好多，有唔同既咖啡同埋茶。我地叫左一个carbonara，一个all day breakfast同埋心太软配雪糕。之后店员就会好似foot court咁俾个机我地等食物准备好就出去攞。Carbonara睇得出有沟过蛋黄所以令到每条意粉都会深黄色，面头再加上芝士碎，用意粉既热力将佢溶入意粉入面，加埋烟肉真系好入味同埋好creamy，成个意粉都整得好出色。All day breakfast有好多沙律菜同埋一条有大既肠，加埋煎香咗既烟肉、炒蛋同埋好新鲜多汁既车厘茄，真系好满足同埋饱肚得嚟又唔会太滞。牛角包好香牛油味店员同我地讲如果想后上心太软就最好早15分钟同佢地讲声，我地之后出去同佢order后等左大约十分钟就有得食，雪糕加上心太软真系绝配，一冻一热既口感好好，心太软亦都有好多朱古力流心，作为甜品份量岩岩好！加上环境好好坐得好舒服，估唔到尖沙咀都有一个咁chill同埋唔多人既地方！