吃什麼 (已結業)

平日夜晚去唔使排队，不过都算多人食，有七、八成满。之前「请坐」嘅时候已经想试，由台湾人主理，地道嘅台湾味，加上咁耐冇得去旅行，要食返啲台湾原味道止止瘾。火鸡肉饭香港嘅台湾餐厅比较少提供嘅菜式，味道较清淡，如果多啲酱汁会好啲，酸菜亦都加咗唔少分，丰富咗成碗饭。饭粒尚算干身，火鸡肉嘅纤维较一般鸡肉明显，因此相对有咬口。外省牛肉面(半筋半肉)汤底味道浓郁，入口舒服。非常足料，牛筋同牛肉都非常入味软稔，面体较为粗身，容易挂汤，口感烟韧。盐酥鸡正常盐酥鸡，因为盐酥鸡比较大粒，如果炸透啲会再香口啲，调味上都好够咸同充满胡椒味。花枝虾排非常好食，虾胶入面有一粒粒花枝，口感层次丰富，炸得十分香口，好快就清盘。腊肉炒龙须菜香港人比较陌生嘅蔬菜，食落有啲似枸杞菜，清淡爽口，配浓味嘅腊肉，浓淡相宜。