弘 CHIRASHI (已結業)

近来刺身、手卷热潮再起，平时都少食哩类型作晚餐，今日约左位好耐无见既朋友食饭，佢都几热爱于日本菜，所以收工近近地系附近依间日本料理食晚餐，我地19:30去到，入座顺利唔洗等店内装修都以和风格调，亦有开放式刺身吧枱座，我地选择左二人枱面对面坐，依间店系专门食刺身丼，款式多得黎，款款睇落都几有份量我地叫左个直径30cm既享丼丼二人前，可以一齐share食，样样都有，可以食哂每款唔同既刺身<<海胆豆腐>> 海胆食落鲜甜同有阵阵豆腐香，唔洗点咬就入口即溶，味道好夹同几清新<<松叶蟹肉玉子烧>> 食落好香蛋味，面头有三文鱼子同蟹肉，加埋少少萝卜蓉一口食，令个鲜味提升左<<三文鱼、带子、油甘鱼刺身>> 剌身食落好新鲜，口感嫩滑肥美，唔洗点咬就呑到<<蟹脚、蟹盖>> 蟹脚每只都已整开左中间，方便用叉抓黎食，肉质食落爽口，好重蟹味。蟹膏比想像中多，质感软腍腍，食落好香，冻食都有另一番味道食完主角，轮到底层既饭，面铺左大份蟹膏，仲有蟹子、玉子碎同蟹肉，先将整个捞埋，捞好可以即食