焱丸水產 (已結業)

之前同朋友去大阪旅行食过矶烧海鲜，香港都有就试下，睇下系咪一样咁好食。店布置成日本风，好似去左日本咁。食食下无啦啦熄左灯，原来系有其他客人生日，播住生日歌，气氛好好，系呢到庆祝生日都系一个唔错既选择。蟹子蟹肉薯仔沙律，沙律份量好多，好够冻，有好多沙律酱同蟹子系面，薯仔系底层。蟹肉玉子光烧，蛋味唔算太香，口感软滑唔会煮得好实。贝壳烧，由生煮到熟，会吱d酒同水等佢维持湿度烧熟材料，好喜欢吃矶烧，除了吃美味的食物，还有视觉享受。松叶蟹膏帆立壳烧，唔单止有帆立贝，仲有菇、椒，同牛油一齐煮，一点也不普通。而三文鱼籽帆立壳烧也有金菇，三文鱼籽煮熟不是脆卜卜口感，变成白色实实的。日式甜酱牛肉锅，有粉丝、豆腐、菜同埋牛肉，个汁甜甜的，豆腐好滑，食完饱饱好满足。柚子啤酒，系加上柚子蜜系啤酒里面，都几好味几夹。另外白桃梳打都好解渴，唔会好药水，系果汁味道。