影片
更多
2013-01-04
162 浏览
放完大假返工, 夜晚同几位同事食饭庆祝新一年. 有同事话食过附近Traders Hotel既马来一菜馆觉得值得再访, 是晚一行4人就去book位食饭.去酒店食星马菜, 要求一定会高d. 酒店都算方便, 附近有好多巴士直达港九. . 一入酒店大门已经闻到一阵怡人芳香, 环境浪漫. 大堂感觉和旁边的open bar看来都唔错! 心想: 2013年开年饭应该都唔差得去边! 便上2楼餐厅入座.可能系位置问题, 我地7点半去到都见到未坐满. 我地4人坐一张圆桌, 旁边放一个装饰柜, 上面有一栈白光灯. 感觉时光倒流, 去返80年代! 整间餐厅亦以开放式设计, 走廊边墙上放上很多别致的小物, 或时植物. 加上柔和灯光, 我地竟然突然间诗意起来~侍应徐徐侍水既时候, menu亦一并送上...一如所料, 连menu都用上印有logo和故事的木板. 不难看出此餐厅所用的心思, 只希望来的食物更有水准!我地叫4个菜, 共中有2个系小食. 同事强推马来沙嗲, 我地就叫半鸡半牛. 另外亦想试炒萝卜糕. 唔知道原来星马都出名炒萝卜糕的, 想知道同点心食开既有咩分别. 2个主菜分别系星加坡的海南鸡饭同马来西亚的炒
去酒店食星马菜, 要求一定会高d. 酒店都算方便, 附近有好多巴士直达港九. . 一入酒店大门已经闻到一阵怡人芳香, 环境浪漫. 大堂感觉和旁边的open bar看来都唔错! 心想: 2013年开年饭应该都唔差得去边! 便上2楼餐厅入座.
可能系位置问题, 我地7点半去到都见到未坐满. 我地4人坐一张圆桌, 旁边放一个装饰柜, 上面有一栈白光灯. 感觉时光倒流, 去返80年代! 整间餐厅亦以开放式设计, 走廊边墙上放上很多别致的小物, 或时植物. 加上柔和灯光, 我地竟然突然间诗意起来~
侍应徐徐侍水既时候, menu亦一并送上...一如所料, 连menu都用上印有logo和故事的木板. 不难看出此餐厅所用的心思, 只希望来的食物更有水准!
我地叫4个菜, 共中有2个系小食. 同事强推马来沙嗲, 我地就叫半鸡半牛. 另外亦想试炒萝卜糕. 唔知道原来星马都出名炒萝卜糕的, 想知道同点心食开既有咩分别. 2个主菜分别系星加坡的海南鸡饭同马来西亚的炒贵刁. 两个地方最具代表性的食品, 其实我试到地道特色的机会不多, 且看今次可唔可以有惊喜.
服务员向我地推介呢款特饮 - 香茅斑兰特饮. 班兰既颜色令杯饮品望落好吸引, 好似一杯mocktail咁. 估唔到既系, 饮落有仲d珍多冰, 班兰味好香, 甜甜地好refreshing. 睇返openrice, 会叫呢款饮品既客人唔多. 可能系新出既, 大家有机会都不妨一试.
马来沙嗲来到时已经觉得好热好香, 但都唔够食落开心 - 佢既鸡/ 牛都经过腌制, 够入味得来又新鲜. 最值得一赞是沙嗲酱, 明显地比其他地方的沙嗲酱要浓郁有料得多. 当然, 一碟马来沙嗲唔算平, 要$7x, 差不多是一个主菜的价钱. 但个人认为抵在食物水准同份量之上, 如果唔钟意食饭, 食呢d反而更加抵.
海南鸡饭系我觉得最最好食既! 上菜时服务员好细心问我地系唔系要share, 并提供碗仔同公筷. 鸡饭够味但无好油唔想食既感觉, 煮到一粒粒刚刚熟透, 其实睇相都应该见得到. 鸡肉好滑无老, 够晒味. 大厨哥哥听见我地赞个饭好食, 提我地食鸡记住要连皮食. 一向唔食鸡皮既我, 要求之下都决定一试. 真系估唔到又爽又有少少脆, 同以前食开既所有鸡皮好唔一样! 虽然无机会问大厨点整, 但对成餐饭真系好有信心 个汤亦唔系例行公事, 而系有肉有骨既热汤, 一口饭一口鸡一口汤, 一绝也!
另一小食终于到喇. 一上菜即有阵香香的锅气和一种特别的香味 原来大大碟菜仲有芽菜相伴. 萝卜糕比较大粒, 并不是一口可以完成那种. 服务员解释这是森巴酱的香味. 正想批评萝卜糕太大粒, 吃下却突然明白 - 因为森巴酱味浓. 虽然萝卜糕造得够企身唔易炒散, 但太细粒可能反而会过份浓味. 依家萝卜糕炒得味道恰到好处, 而芽菜又够粗够爽甜. 好味!
炒贵刁亦系香口水准之作. 同马拉街头一样, 有好多配料 - 鲜虾有成5/6只, 仲有芽菜同火腿, 炒得好香好入味. 不过如果唔食得辣既人可能会觉得接受唔到. 不过, 呢度既水准真系激有马拉街头食大排档既风味.呢度既菜色虽然唔系街边价钱, 但却更大碟. 如果唔系好大食, 好似我地咁share可能仲抵架.
整体来讲, 真系好好味! 我已经约定要同其他朋友再访, 一于试试其他食物!
张贴
