霸王川莊 (已結業)

同一班傻既同事做野， 成日被佢地点去食我唔食既野。 今次又拉左我去食川菜!川菜！我唔食辣野 点食呢！但同事话呢间特别， 一定要试。一入去 可能新开，人唔多。 我地住系近bar既位， 空间几多， 枱都算大。 原来佢既水煮系列系好大盆既， 唔怪得之成间餐厅都好阔落， 因为推盆野出黎 冇位真系唔得。我地自己用手机落， 问店员系咪有优惠， 佢话迟下会有。 信住佢先， 注册左， 睇吓佢之后会有咩优惠。点左水煮菇，酸辣面，辣子牛肉， 水果茶等。水煮菇真系同海报写既一样咁大盆。 系大到好似pizza. 里面见到红红既辣汤， 我原本唔咁试， 但见好似几香， 就夹左一些菇， 果然菇硬身 冇咁吸辣， 反而好啱我。 辣味一开始唔觉， 一两秒后慢慢发出黎， 麻同辣交织， 我食到出汗， 但又好好食，唔觉唔觉食左好多。 非常推介!辣子牛系安格斯牛， 所以好松化， 一口一啖。 但呢个辣味刺激多， 我食得唔多。酸辣面都唔错。 酸同辣都平衡到， 可以再食。食辣野 我点都叫定冻饮打底。 佢地有水果茶， 好解辣，系店员推荐既。最后 走既时间 我真系出一身汗但好想快d再黎过。