Chroma Cafe + Kitchen (已結業)

同事生日，秘书小姐拣左附近一间工厦餐厅食饭！地方好大，岩哂一大班人聚会搞party！~除左有得食，仲有得买画具买颜料，非常有艺术气氛！厚切薯条,加上厚厚既burger,卖相吸引死人喇！Fish burger 层次好rich唷...材料有洋葱、蕃茄、生菜...主角鱼扒仲成只手掌咁长，绝冇欺场呀！鱼扒经过餣制，唔会有鱼腥味，加上tartare酱同guacamole酱非常惹味！外层既炸浆香脆又唔会好油，值得一赞！不过，包身经过烤烘有点微㶶，㶶位有d苦，而且唔太健康唷！小食Buffalo 鸡翼令人爱不释口！鸡翼味道香辣，肉质鲜嫩，醮上篮芝士酱风味更佳！好开心餐厅竟然有Rose chocolate！好多餐厅/cafe都会以coffee配搭玫瑰花，不过对于咖啡因超敏感既我，饮完会失眠的唷！Rose chocolate味道唔会好甜，玫瑰花味唔会似香精味，味道浓淡得宜，又会饮到朱古力味唷！甜品芒果奶冻卖相已令不少人心醉，似是一幅画呈现眼前！奶冻好香滑，滴上芒果酱汁，好清新唷！