影片
更多
2019-03-10
287 浏览
今日男朋友大晒，同佢去左南丰纱厂行下就顺势喺荃湾揾佢喜欢食嘅汉堡包店。每次经过佢都话想食，因为俾佢店面装修吸引左，而今次终于食啦。舖仔细细，而且都几逼夹下，真系肥啲都入唔到嚟，但系佢嘅布置真系好90年代，而且会一路播住英文歌，有种怀旧美国风，其实几好feel。入面得三张枱，而台台櫈櫈都系好迷你，张台仔放左两个餐就岩岩好，想叫多个小食都冇位放。男朋友嗌左个季节限定嘅牛堡，再upgrade做餐，会有粗身薯条同饮品，而饮品再加钱可以upgarde做手工啤。佢个牛堡好juicy，个包包又够松软，好足料，薯条又热辣辣外脆内软，连我对汉堡兴趣一般都觉得好食。而佢个手工啤更加冇得弹👍🏼麦味足但又唔会话苦到接受唔到。而我自己就为左食烧菠萝而嗌左个豚肉堡，说真的有点失望，我以为系猪扒，但原来系薄切猪肉，所以有啲干，但好彩菠萝够甜够多汁，所以都唔会话搞到个包干憎憎。我自己嗌左杯水果茶，但水果茶太淡，得个甜甜地，冇预期中嘅酸酸甜甜，所以都系一般，男朋友话肉茶记冇乜味嘅冻柠茶🤣然后职员态度好好，食完会送埋你出门口，帮你开门再提你带齐嘢，我觉得好窝心，因为喺香港食饭好少会有职员帮你开门送你，重点系佢系小店，得两
每次经过佢都话想食，因为俾佢店面装修吸引左，而今次终于食啦。
舖仔细细，而且都几逼夹下，真系肥啲都入唔到嚟，但系佢嘅布置真系好90年代，而且会一路播住英文歌，有种怀旧美国风，其实几好feel。
入面得三张枱，而台台櫈櫈都系好迷你，张台仔放左两个餐就岩岩好，想叫多个小食都冇位放。
男朋友嗌左个季节限定嘅牛堡，再upgrade做餐，会有粗身薯条同饮品，而饮品再加钱可以upgarde做手工啤。
佢个牛堡好juicy，个包包又够松软，好足料，薯条又热辣辣外脆内软，连我对汉堡兴趣一般都觉得好食。而佢个手工啤更加冇得弹👍🏼麦味足但又唔会话苦到接受唔到。
而我自己就为左食烧菠萝而嗌左个豚肉堡，说真的有点失望，我以为系猪扒，但原来系薄切猪肉，所以有啲干，但好彩菠萝够甜够多汁，所以都唔会话搞到个包干憎憎。
我自己嗌左杯水果茶，但水果茶太淡，得个甜甜地，冇预期中嘅酸酸甜甜，所以都系一般，男朋友话肉茶记冇乜味嘅冻柠茶🤣
然后职员态度好好，食完会送埋你出门口，帮你开门再提你带齐嘢，我觉得好窝心，因为喺香港食饭好少会有职员帮你开门送你，重点系佢系小店，得两个职员做嘢，忙紧整餐同出餐仲要特登抽时间送客，呢样系我觉得难得嘅人情味。
张贴
