龍門海鮮酒家

营业中

休息中

在香港食海鲜除了西贡，布袋澳和三圣邨之外，仲有鲤鱼门。今次拣左龙门酒家。 叫咗个四人海鲜套餐，套餐计落有十度菜。首先嚟到有好手臂咁大只嘅椒盐濑尿虾，师傅把它一开三。我哋总共有四个人佢畀咗两只，虾肉好弹牙而且个椒盐味好香!跟住豉椒炒蚬，蚬肉大大只每一只入面都好厚肉冇沙，每一只都开口! 靓!再来蒜蓉粉丝蒸扇贝，扇贝嘅肉好饱满而且好软熟面头𠮶粉丝再加少少豉油蒜蓉好香口。 之后一班两味，啲肉好香好新鲜，条鱼唔会腥，一味系炸起，另一款炒时蔬。自己怕食班腩会有腥味，但佢仲啖啖肉。龙虾伊面，半只龙虾有一只手掌咁大，净食龙虾肉都饱哂，又啖啖肉鲜味。油盐焗奄仔蟹，一上台膏爆满，半只斩开上台净见膏，食落好鲜味。可惜之后上的辣酒煮东风螺就争少少好似得个辣味。食到黎呢度都开始有啲饱左…上汤菜心，可以清一清口腔头先食咗咁多味𩠌嘅浓味。鱼汤加埋花甲，豆腐和菜吸收左精华，每一口好浓嘅好鲜味，但记住要趁热饮，一冻腥左唔好味。最后瑶柱蛋白炒饭 !呢个超好食! 炒得好干身而且好有蛋白香!! 饱到肚胀胀都要食番啖!!饭后生果每人一份半只木瓜半只芒果好大份 真系食到个肚投降，食唔哂打包回家。后记: 酒家的待应换碟纯熟迅速，