錦丼 (iSQUARE國際廣場) (已結業)

I-square 我平時真係唔會行街，因為佢大部份都只係食市，同嘀鋪頭左一間右一間咁，極奇難行，但因為我朋友佢想帶佢三位小朋友去玩具反斗城，所以行完理所當然咁喺嗰度搵嘢食，橫掂我之前都想試呢間，如果唔洗排隊，就試下啦！唔知你地有冇發覺，有一排好興一嘀，鋪塊金箔上去嘅食物，雪糕、丼飯、糕點，但金箔其實有冇咩食用價值大家眾說紛紜，有人話可以鎮精神、堅骨髓，通利五臟邪氣，連出名嘅安宮牛黃丸都用黃金入藥，但今時今日相機食先嘅年代，^吸睛^才是最想要吧！我對海鮮丼係冇抵制力，我要求簡單，靚，新鮮已經滿足左我對海鮮丼嘅要求，但想再上一層樓，就係個飯嘅醋嘅調味，唔好太酸又唔好太粘，好怕一嘀味都冇嘅壽司飯，但依家日本菜嘅鋪頭大行其道，已經好少啲好差嘅飯呢個飯我係為左嘀苦瓜，我鐘意食苦，但呢個真係太苦啦！重得幾片，佢下底好大碗飯，係咁易得少少餸，天婦羅冇乜特別，但我覺得叫呢個不如正正經經叫碟菜！