影片
更多
2010-03-19
12 浏览
忽然之间醒起好耐都无食过拉面, 而且又想两口子出街拍下拖, 再顺手睇场戏添, 你话节目几丰富。本来想去食Domon但尖沙咀店已经结业, 跟住想去食八八八, 但见好多食评都话差左好多, 唔想折磨自己个胃又再拣另一间, 见到尖沙咀开左间"札幌拉面 Miso no1" 但好似无乜人食过, 佢个名又有d似中环个间"札幌元祖拉面" 都唔知系唔系同一间还是个名似, 所以....我一间拉面店都拣唔到, 后来同事提议我去"面屋一平安" 佢话食过铜锣湾店, 觉得唔错仲话尖沙咀有分店, 所以....谂都唔谂就去呢间啦。本想订位既点知我打电话去时, 小姐话订位已经Full左, 只可以去等Walk-in, 未够七点去到面屋门口, 唔太多人等BUT唔够....2分钟, 突然间劲多人出现个个都系无订位等Walk-in, 我和祁生都好庆幸早左少少到, 手中的等位号码系"32", 当时已经叫到"24" 哈哈哈~ 杂锦串烧六串(自选) - 烧鸡翼2串, 盐烧猪肉, 烟肉露笋卷, 明太子鸡肉, 大葱鸡肉; 6串串烧入面, 最唔好食既"明太子鸡肉", 可能本人唔钟意食沙律酱, 再加上鸡肉好干呢。其余的4款都好好味, 一定要
本想订位既点知我打电话去时, 小姐话订位已经Full左, 只可以去等Walk-in, 未够七点去到面屋门口, 唔太多人等BUT唔够....2分钟, 突然间劲多人出现个个都系无订位等Walk-in, 我和祁生都好庆幸早左少少到, 手中的等位号码系"32", 当时已经叫到"24" 哈哈哈~
杂锦串烧六串(自选) - 烧鸡翼2串, 盐烧猪肉, 烟肉露笋卷, 明太子鸡肉, 大葱鸡肉; 6串串烧入面, 最唔好食既"明太子鸡肉", 可能本人唔钟意食沙律酱, 再加上鸡肉好干呢。其余的4款都好好味, 一定要衬热食呀。
一平安沙律 $60 - 样样都有d既沙律, 入面有日式薯仔沙律一球, 蟹肉蟹籽沙律和杂菜沙律, 沙律汁系日式和风柚子醋汁, 真系岩哂我唔食沙律酱既人。
叉烧猪骨汤拉面 + 豚角肉 (祁生) - 猪骨汤好味唔咸, 略带清甜味; 但祁生话佢都系钟意九州既猪骨汤多d, 因为佢钟意浓浓的猪骨味; 熊本的猪骨汤, 佢唔多够喉。 另外最加左两件豚角肉即系猪腩肉啦, 一见到个样就知道好味, 够腍有肉味, 祁生因为唔肚饿咋, 如果唔系佢会叫一整碟豚角肉自己食。
Miso Ramen面豉汤底 + 栗米粒 (我) - 我个面的汤比起祁生的猪骨汤更加浓厚, 汤非常之热辣辣, 面质唔错唔会腍身, 叉烧好食粟米粒唔系本地cheap货, 碗面真系可以令你食到大汗叠细汗, 食日本拉面一定要够热先好味。
食完呢餐好满足呢, 真系可以填满我好想食拉面的欲望, 下次一定要和朋友再去食, 因为我仲有好多野想食想试, 但两个人真系唔可以试到太多, 下次我一定会再来架!!!!!
张贴
