北料南麵 (已結業)

2019年3月17日（星期日）舖名与众不同，一直想帮衬。除咗展示招牌菜式，仲响当眼处张贴勇闯辣味擂台嘅食客相。舖面光猛干净，店员服务殷勤，感觉良好。走辣猪软骨汤面同麻辣猪手汤面猪软骨劲似牛腩，唔够淋同样，猪手好靱、咬唔开！正当失望之际，开始食面，就发觉汤碗面同底完全系两个世界！啲面软硬适中，爽口有面香，配麻辣汤一齐食系极品，我有理由相信啲面系人手打嘅！啲汤五味纷陈，重重香料但🈚️味精，味道吸引，令人欢喜！面条同汤头无悬念系回头既理由！小食叫咗莲藕同皮蛋，前者一般般，皮蛋透明，卖相讨好，味道也可口。店员同顾客都👍老板努力打拼、用心经营。❤️机面，要支持！