寶哥火鍋味館 (已結業)

香港人一年四季都钟意打边炉，汤底、海鲜、火锅配料都特别著重，今日试下佐敦嘅宝哥火锅味馆，3个钟火锅放题有$188-288套餐，食物款色多到数唔哂例如本地及美国肥牛、白鳝脆肉鲩、汕头牛丸八爪鱼等，汤底有雪莲果椰子汤、猴头菇鲨鱼骨汤都几吸引，我睇天气转冻就拣银杏胡椒猪肚汤，任饮汽水啤酒同竹蔗茅根。首先系套餐嘅限定拼盘、海鲜同靓牛盘、招牌三宝丸等，海鲜有生蚝、花甲、海虾，安格斯牛小排肉味浓，龙趸腩皮好厚身超赞！任食选择我会推介五香鲜牛肉、白鳝、脆肉鲩、香滑京都豆腐都想再嗌！Menu每款嗌一样都好丰富，又可以每样试吓，都觉得好抵食！餐厅除咗食物同环境，服务都系重要会令客人想再嚟，呢间餐厅嘅店员我特别欣赏，好好敬业乐业清楚各样食材，听佢哋推介实无错！宝哥火锅味馆地址: 佐敦长乐街8号文兴楼地下至2楼电话: 23320998