影片
更多
2023-09-10
1668 浏览
真系小学之后都冇去过推车仔嘅茶楼饮茶喇！今次系我第一次嚟莲香居，佢有两层，我上到二楼，初初以为呢度系游客胜地点，知原来有九成客人都系香港人，50岁以上嘅客人占咗大多数因为系第一次嚟，上到去见到人头涌涌非常墟撼嘅场面，我有少少吓咗一吓于是问靓姐应该点样攞位，然后佢答咗一句自己攞，我先发现真系好似细细个去饮茶咁样，企喺啲就食完嘅枱隔离等人走好好彩咁样畀我攞到个位，当然系要搭枱啦，喺呢度提一提如果你系有洁癖嘅，我就奉劝你千祈唔好嚟，如果唔系你应该会咩都食唔落，因为卫生环境唔系咁理想，虽然叔叔都有帮你清理台面。。。如果要饮碗茶，落单嘅时候要记住讲一声，否则的话佢会畀普通茶壶你推点心车啲姐姐个个都好有礼貌咁样话畀你知有咩点心，我初初以为嚟呢度系食情怀，不过估唔到其实味道冇我想像中咁差春卷就唔推荐喇，因为冻咗反而牛肉球味道唔错另外胡椒猪肚汤好味㖞，好浓胡椒味，猪肚份量好足，好惹味豉椒蒸排骨就一般啦，排骨偏肥肠粉都算滑嘅，不过未去到晶莹通透一句讲晒，喺呢度系食传统港式茶楼嘅情怀
因为系第一次嚟，上到去见到人头涌涌非常墟撼嘅场面，我有少少吓咗一吓
于是问靓姐应该点样攞位，然后佢答咗一句自己攞，我先发现真系好似细细个去饮茶咁样，企喺啲就食完嘅枱隔离等人走
好好彩咁样畀我攞到个位，当然系要搭枱啦，喺呢度提一提如果你系有洁癖嘅，我就奉劝你千祈唔好嚟，如果唔系你应该会咩都食唔落，因为卫生环境唔系咁理想，虽然叔叔都有帮你清理台面。。。
如果要饮碗茶，落单嘅时候要记住讲一声，否则的话佢会畀普通茶壶你
推点心车啲姐姐个个都好有礼貌咁样话畀你知有咩点心，我初初以为嚟呢度系食情怀，不过估唔到其实味道冇我想像中咁差
春卷就唔推荐喇，因为冻咗
反而牛肉球味道唔错
另外胡椒猪肚汤好味㖞，好浓胡椒味，猪肚份量好足，好惹味
豉椒蒸排骨就一般啦，排骨偏肥
肠粉都算滑嘅，不过未去到晶莹通透
一句讲晒，喺呢度系食传统港式茶楼嘅情怀
张贴
