扒王之王 (已結業)

曾几何时扒王之王系中学时代规模最大嘅扒房，之后执晒🙈 今日Lunch特登黎回味下叫左个西冷同牛柳，加左件鹅肝同转龙虾汤。个沙律份量唔细，啲蔬菜好新鲜，Olive Oil+黑醋+沙律酱好味过出面好多西餐厅，连朋友平时唔食菜都扫晒反而个龙虾汤同罗宋汤都好一般，因为好淡好稀，龙虾汤得啲虾毛仔好揾笨，唔洗upgrade😂上菜好快，好快已经上晒鹅肝牛扒同餐饮。鹅肝都煎得几香，两安士一人一件啱啱好。我叫左五成熟西冷扒，唔钟意熟晒，至少有肉味。$100嘅扒算系咁啦，感觉上好味过X尾、X凤。另外薯菜一般，啲薯条唔脆。朋友叫左七成牛柳，佢话Ok，连配菜都清晒。见到其他评语话服务差，确实系有个部长亚叔系有啲串，但我相信佢唔系有恶意地乱咁爆客𠮶啲。因为听到隔离枱落单，有个女仔话要六成熟，部长话一系五成一系得七成。女仔：我响出面食开系medium。部长：你都识讲medium点会系六成？你问厨房佬都话一半系五成。被串𠮶个实会话人地服务态度唔好，但黎得呢啲地方无得要求咁多，扮晒野抵比人串。