影片
更多
2013-04-02
35 浏览
女朋友想食放题，原本就谂住前一日去荃湾渔屋，因为有啲事去唔到，结果呢一日就拣去呢间Bubbles食。见到八点后入座，每位价钱平$30以防万一，决定食八点钟。食之前𠮶个下昼先book枱，亦都好容易book到。准时去到，见到红日都坐唔满，估计平日嘅客流唔会多过红日。坐低之后再望，高楼底加上落地大玻璃格局，场中间半圆型吧枱，再加埋啲灯光，完全系一个食中高档西餐嘅环境。而我哋坐住个卡位，正正就对住部大电视，真系啱晒一啲电视精之余，又冇破坏到整个场嘅气氛！食物选择分面，呢间舖分咗五类：刺身寿司、军舰手卷、烧物一品、扬物，同埋期间限定。老实说，每类嘅选择一定唔够其它平价放题嘅多，三文鱼吞拿鱼会有，海胆或者三文鱼籽就未有提供。不过特别啲嘅好似旗鱼咁都有得食。第一轮叫咗车厘茄沙律、芥茉墨鱼军舰、鳗鱼芝士寿司、反卷、带子贝、烧安格斯牛、烧车厘茄等。不过只有带子贝鲜味十足，其余只属正常水平；烧芝士玉子同埋车厘茄沙律就不过不失；烧安格斯牛同埋烧车厘茄就逊色咗啲。同埋见到啲碟咁精致，叫嘅份量可以再进取啲。第二轮叫咗甜虾、玉子寿司、蟹籽军舰、吞拿鱼军舰、三文鱼、螺肉、旗鱼、三文鱼反卷、日式炒杂菜、烧牛舌、烧鸡软
见到八点后入座，每位价钱平$30以防万一，决定食八点钟。食之前𠮶个下昼先book枱，亦都好容易book到。
准时去到，见到红日都坐唔满，估计平日嘅客流唔会多过红日。坐低之后再望，高楼底加上落地大玻璃格局，场中间半圆型吧枱，再加埋啲灯光，完全系一个食中高档西餐嘅环境。而我哋坐住个卡位，正正就对住部大电视，真系啱晒一啲电视精之余，又冇破坏到整个场嘅气氛！
食物选择分面，呢间舖分咗五类：刺身寿司、军舰手卷、烧物一品、扬物，同埋期间限定。老实说，每类嘅选择一定唔够其它平价放题嘅多，三文鱼吞拿鱼会有，海胆或者三文鱼籽就未有提供。不过特别啲嘅好似旗鱼咁都有得食。
第一轮叫咗车厘茄沙律、芥茉墨鱼军舰、鳗鱼芝士寿司、反卷、带子贝、烧安格斯牛、烧车厘茄等。不过只有带子贝鲜味十足，其余只属正常水平；烧芝士玉子同埋车厘茄沙律就不过不失；烧安格斯牛同埋烧车厘茄就逊色咗啲。同埋见到啲碟咁精致，叫嘅份量可以再进取啲。
第二轮叫咗甜虾、玉子寿司、蟹籽军舰、吞拿鱼军舰、三文鱼、螺肉、旗鱼、三文鱼反卷、日式炒杂菜、烧牛舌、烧鸡软骨等。同埋寿司类都只属正常水平；三文鱼厚切就好难唔好食；但系其它鱼类刺身嘅肉质就较削；螺肉鲜味突出；甜虾反而喜出望外，有啲爽口同埋够甜，好似食泰式生虾咁；特别要讲嘅系旗鱼，即系下图三文鱼刺身左上方𠮶两块嘢，紫红色鱼肉好怪相，食落啲肉唔似其它鱼类刺身咁削，但系啲味咸咸哋，鱼皮较韧，好似食马友咁，放题者可以一试；日式炒杂菜就炒得几入味。
烧肉串亦都唔系咁出色，反而见人叫烧粟米咁，我哋又跟住叫，又真系唔差。之后再叫烧甜薯亦都唔系甜到漏𠮶只，味道适中。
天妇罗就叫咗一件鱼同埋一份茄子。呢档天妇罗好在炸粉够薄身，唔系𠮶啲见到都漏𠮶种，不过又系啲肉唔突出，反而茄子就正！服务方面，落单后到上枱嘅时间最耐都系三个字，主要系烧物耐啲，其余最快三分钟上枱！漏单情况极低，系嚟少咗一碟。斟茶收碟做得几密，各待应介绍亦都可清楚，亦都真系好有礼貌同埋冇𠮶种催三催四嘅压迫感。埋单嘅时候亦有雪糕赠送。同待应倾咗几句，得悉同湾仔店同系，不过湾仔店就更贵（哗！呢间都唔算平），选择会再多一啲；同埋佢哋话呢间系啱啱新开，有好多嘢仍然改进紧，包括个价目表，咁我希望下次再帮衬嘅时候，会有喜出望外嘅收镬！
张贴
