肥哥車仔麵

营业中

休息中

今日同老公慕名而来，终于嚟到肥哥车仔面品尝一下。 我自己点咗萝卜、凤爪同响铃卷，而老公就点咗萝卜、鱿鱼、猪皮同猪手。我同老公都觉得最正系萝卜! 萝卜一啲渣都冇,腌得好入味,每旧都大大旧,食落口感一流, 超级出色! 其次就系猪手,猪手同样腌得好入味，好lum身，食猪手就系想食到咁嘅质地，真系极度好味! 而凤爪都系一样好味，不过我就略嫌佢咸咗少少，但可接受。不过响铃卷味道就一般啦，冇乜惊喜，不过都好少食车仔面时可以有呢个𩠌。而最一般嘅系鱿鱼，冇乜味道。我特别想赞嘅系个汤底!我自己点咗中辣（中辣已好够辣）。个辣汁配埋个汤底真系一流，好浓味。里面有好多辣椒碎、姜同蒜头，如果钟意浓味嘅朋友一定会好爱呢个汤底!呢个车仔面系我食咁多车仔面之中最好食嘅其中一碗， 我一定会encore再encore!by the way，其实本身我想点鸡翼，不过下午两点几鸡翼已经卖晒，应该有d料到，所以下次一定会点。