木火堂 (已結業)

晚上和友人来吃串烧。原本见到都系大部份好评，想必有一定质素，但我和友人落单吃了几款串烧之后，宁愿转场再食，可惜，浪费了今晚的quota。烧青椒 / 烧鸡翼/ 烧免治猪肉烧青椒 : 系最正常嘅一串，不过不失。烧鸡翼：好难烧到咁难食，鸡肉系鞋的，烧过龙，鸡翼底部烧焦，食到㶶味。莫讲话鸡翼没有外脆内软，成只鸡亦都系硬实实，鸡肉嚡洽洽。中间𠮶串已经唔记得咗系鸡肾定系乜嘢，因为咬咗一啖就冇食，一样系好苦，因为烧㶶咗。直程搣咗好多黑色一嚿嚿嘅蕉出嚟，烧到干晒水，咬咗一啖算数。免治猪肉：感觉唔系咁新鲜，除咗比较多肥膏之外，有浸味，我同友人食咗两啖放弃了。烧多春鱼一样，都系烧过火，都系烧焦了，食到㶶味，而且感觉好似食紧鱼干咁。干争争，而且有烧焦的苦味。同场其实仲嗌咗烧菠萝，烧茄子等等，但系头𠮶几样嚟咗，觉得唔好食，已经冇心情影相了⋯⋯大致上都系须在食材唔够新鲜，而且烧㶶了。大部份串烧都食到苦味，因为个底烧焦。总结，我好钟意食串烧，基本上每个月都会去一两间食，呢间系我食过最难食嘅一间串烧店。我哋都非常之失望！真的没有下次了。价钱唔系平，但咁样嘅质素，真是令我们无言。