孖寶去骨海南雞 (Go Go Mall)

营业中

休息中

依间海南鸡喺屋企附近开咗几个月，早排见无乜人入去食，怕中伏所以一直无去帮衬，今日放假经过，见到铺入面多返啲人气，又见啲套餐既价钱都算贴地，于是决定入去试一餐。我两个人食，于是点咗一个二人餐。个餐入面有半只无骨海南鸡，一个𩠌（好似有8款拣，但我无影低），一碟油菜，两碗油饭，两碗汤，以及两杯饮品。食物黎讲，我觉得个海南鸡🐓不过不失，个𩠌我拣咗一个糖醋骨（但以我认知应该系梅子排骨嚟，食落口都开胃既）。而最出色反而系个汤同埋碗油饭！碗汤有鸡脚！碗油饭🍚我无影相，但我可以形容依碗饭煮到粒粒饱满分明，好吃！唔好叫冻柠茶，我饮咗一啖之后叫阿姐俾杯水我饮算。如果再去我会叫返啲普通饭餐试下，好似会抵食啲。