三姐海鮮飯店 (裝修中)

如果有人行埋来推介菜式，各位请问清楚价钱先好落单。寻晚三姐行来推介脆卜卜炒饭，我拒绝左，因为之前食过几次，普通菜甫肉碎虾粒炒饭加左饭焦粒而已，收你$128，贵到啊！我地叫窝贴小唐菜，三姐话有番薯栗子饼拼窝贴小唐菜，叫我地试下。结果系一片麦记薯饼大细的薯饼切开八片仔，搭在窝贴小唐菜两边，但系就加收$58，埋单时先知，唯有怪自己无问清楚，另外而家要收加一。是晚仲叫左鸡半只「依旧几好味」，橙花虾球「梳打水浸既虾，无味但有弹力」，腐竹肉碎炒油麦菜「咸到啊」，例汤「普通」，杏仁王两碗。 埋单$728家住附近，食过N次，出品质素越来越差，相信都未必会再帮衬了。