佳記餐廳

营业中

休息中

今日lunch要快食，然后赶返公司见客，路经一间佳记餐厅，见里面仲有位，即刻入去揾个位坐低先😉。店舖面积几大，虽然座位都几多，但空间好窄座位又逼，入到去里面我都有啲后悔😑，应该外卖返公司食仲好。餐牌食物选择多，但今日比较赶时间，见午餐牌都有心水想食，于是挥手叫阿姐落咗个午餐，炆枝竹牛腩饭 $56.-。午餐包汤(西汤或中汤)及餐饮是日西汤系罗宋汤，味道唔错酸甜度适中，都有红萝卜、洋葱及薯仔等汤料。个饭4分钟内上到枱(劲快)，可惜味道麻麻个汁好淡。枝竹同牛腩炆得唔够腍，同样淡而无味，饭质偏硬😢，真系无念过一个咁普通嘅饭，可能两𩠌饭店煮得仲好食😅。餐饮热咖啡，正常水准。