宮崎日式燒肉店 (已結業)

朋友介绍话宫崎呢间烧肉放题可以满足到食为食肉兽既我，所以今日就同朋友嚟挑战一下。一嚟就清清地食啲海鲜同蔬菜先，海鲜我地点咗青口、蚬、扇贝，而蔬菜我地点咗金菇同粟米。海鲜都好新鲜，入口弹牙又唔会话霉，而蔬菜我本身以为佢会就咁一棵棵上，点知佢连埋锡纸兜上，真系细心，抵锡宫崎鲜味之选有三样，分别有愤怒火牛仔、冰镇大头虾和仙境谷饲豚。我同朋友点咗两个宫崎鲜味之选，愤怒火牛仔同埋仙境谷饲豚。牛就带有韩式酱油和泡菜味，豚肉就新鲜爽口，但系两款宫崎鲜味之选出场果阵都系烟雾弥漫，felling好正。虽然你可以话咪又系系个架底摆啲干冰加啲水出下烟有咩特别﹖但问心我唔会系屋企搅啲咁嘢啰，所以呢啲咪叫心思啰，抵加诚意分啦﹗之后我地点咗啲炸物同埋刺身，我本身系好钟意食炸物，但系又好惊啲炸物会炸完之后劲多油，油淋淋咁，食完啲油仲黐住个喉咙果种感觉，但好彩宫崎啲炸物炸得好干身，而且天妇罗啲浆粉唔会好厚，好味。而刺身亦都好新鲜，鱼生够弹牙，加上食完鱼生唔会成阵腥味留系口入面。我地跟手拣咗四式豚肉同埋四式鸡肉，每式味道各不同。鸡肉同豚肉都各有四种唔同口味