影片
更多
2020-10-20
436 浏览
西九龙中心有乜新餐厅开张，我都会好有兴趣想试吓，七月𠮶阵八楼美食广场新开嘅「西九汉堡🍔」系其中之一。不过有两三次经过间舖，店员明明好得闲玩手机，见到有客人行经都唔会主动宣传介绍下，认真赶客。相反对面转角舖嘅麻辣嘢阿姐劲积极，相形见绌！老实讲，帮衬美食广场我唔要求有任何服务，但至少畀客人感受到你系有诚意经营啰！不过可能大家心态唔同😥。呢日我同同事帮衬系因为见到用外卖App订餐有折，所以就试下，反正唔试唔心息。不过一连串失望嘅事就发生了，喺App落单平少少，但唔知间舖嘅实际情况，结果中伏了。App写等廿分钟，点知廿分钟后我哋去到餐厅，张单仲排紧队，另加两个🐼步兵等紧...。成间舖根本得一个店员，边做得切？如果系咁，就暂停喺网上接订单啰！店员忙到再有客想嗌嘢食都无暇去接单，而且佢收钱过程亦非常混乱，收多咗客$6，但仲话个客争佢$6，不过佢后尾自行发现出错。店员好忙，完全兼顾唔到要做嘅工作，问佢要等几耐，佢话15分钟，但超码三倍时间都唔止，唉。佢唔系无礼貌，但连基本一句「唔好意思要你等咁耐」都欠奉😑。另外，我会形容佢处变不惊，因为被N条友追击有嘢食未嘅情况下，佢都仍然保持「慢煮」嘅态度。我见住
老实讲，帮衬美食广场我唔要求有任何服务，但至少畀客人感受到你系有诚意经营啰！不过可能大家心态唔同😥。呢日我同同事帮衬系因为见到用外卖App订餐有折，所以就试下，反正唔试唔心息。
不过一连串失望嘅事就发生了，喺App落单平少少，但唔知间舖嘅实际情况，结果中伏了。App写等廿分钟，点知廿分钟后我哋去到餐厅，张单仲排紧队，另加两个🐼步兵等紧...。成间舖根本得一个店员，边做得切？如果系咁，就暂停喺网上接订单啰！店员忙到再有客想嗌嘢食都无暇去接单，而且佢收钱过程亦非常混乱，收多咗客$6，但仲话个客争佢$6，不过佢后尾自行发现出错。
店员好忙，完全兼顾唔到要做嘅工作，问佢要等几耐，佢话15分钟，但超码三倍时间都唔止，唉。佢唔系无礼貌，但连基本一句「唔好意思要你等咁耐」都欠奉😑。另外，我会形容佢处变不惊，因为被N条友追击有嘢食未嘅情况下，佢都仍然保持「慢煮」嘅态度。我见住佢一块汉堡扒两边煎，时间夹埋起码廿分钟，而同一时间只可煎两块？！玩游戏咩？
企喺度苦苦等待半个钟⌛️都得唔到我哋想要嘅嘢，加上其中一个同事赶时间，我哋唯有拎住三个汉堡包返去先，唔等埋薯条同小食系因为我哋拎包𠮶刻佢先刚刚扔落油炸，等埋又唔知几耐。如果我哋唔拎包先，佢谂住一次过先畀我哋，咁啲包咪又冻哂？每一个步骤都出哂事！
我哋食哂啲包，再去舖头拎返啲小食就终于唔驶再等...。整个外卖自取由落单一刻计到所有食物Ready要70分钟，真系无可能接受到，就算我唔驶返工都无理由要浪费时间苦等，何况我要😅😅😅。唔好唔记得呢度系Foodcourt！
简单节录一下个时序：
13:20手机落单话等20分钟
13:35 到达餐厅订单未开始煮
14:03 三个汉堡包Ready, 但薯条小食刚落油镬
14:30 最终拎埋薯条小食
*****
讲食物味道之前，先要再讲讲店员衞生意识。由于得佢一条友，所以收银以至煮嘅工作都由佢包办。佢系有带手套🧤，但只手套由头至尾都无除过，全程带住嚟收钱、开雪柜、摷厨柜、煎汉堡扒、夹面包、听电话等，无洗过手😓，好污糟同好呕心呀🤢🤢🤢。我有一刻惊啲食物会有硬币铜臭味，好彩食时无古怪味。可能好多人会话大部份厨房都系咁㗎啦，但分别在于会否看在眼内丫嘛，我同意眼不见为干净㗎。
我哋要咗三个汉堡，公道讲味道OK嘅，块汉堡扒有牛味同几Juicy，但份量好细个，卖相亦普通到不得了。仲要加钱$13先有薯条同汽水。🍟薯条好难食，完全唔脆，好似雪柜拎出嚟解冻即食咁。$4X单点汉堡一个其实唔抵食啰，包埋薯条就差唔多，美食广场$60食唔饱想点？天悦𠮶间同价，但高质几倍，又有得堂食。
焰辣双芝士美牛汉堡
$45
14 浏览
0 赞好
0 留言
超经典芝士牛堡
15 浏览
0 赞好
0 留言
BBQ鸡堡
18 浏览
0 赞好
0 留言
小食拼盘
$58
14 浏览
0 赞好
0 留言
之后机缘巧合下喺社交媒体同个店主简单讲过订单等好耐嘅问题，佢回应话𠮶日有同事请病假先得一个人。但其实我开初经过间舖系得一个人，讲完之后再经过咪又系得一条友🤭。
总括嚟讲，本身觉得西九龙中心无汉堡卖，或者小店都能杀出一条血路，只可惜各方面都有大大嘅改进空间。有睇开我食评都知其实我好少俾负评或弹得好差，我并唔系想好苛刻咁批评佢，但情况真系难以令人接受。如果我纯为抹黑，唔会打咁多字，但因为以上通通都系亲身经历！新开唔系藉口，新开更加要做好准备功夫，省靓个招牌。希望佢能喺态度、定价、食材、份量同衞生等方面，作出改善。留意番西九龙中心步行十分钟以内已经有两间出名汉堡店，竞争咁大，小店唔努力啲只恐怕会被淘汰👎🏻。
张贴
