籠太子點心專門店

营业中

休息中

爸爸外出用膳通常都系去茶楼，而且通常都系去果几间。是日放假，特登带左父母黎试一试新鲜野~位于太子的笼太子点心店交通方便，好近地铁站。而我地系答巴士黎，步行到餐厅都唔洗10分钟。里面ge装修可以话系融合上一年代同现代ge设计。我特别喜欢佢ge主要用色-薄荷绿，感觉清新舒服。而妈咪就觉得一个个鸟笼装饰高高挂系天花版上好特别，勾起以前饮茶ge回忆。落完order后，侍应放下一壶茶，原来茶ge款式系冇得自选。轻轻喝了一口，好香，我同妈咪都估系玄米茶。点左7-8款点心，每款点心ge价钱大约十多元至二十元，价钱尚算合理，因为唔洗加一~先讲一下雪山叉烧饱，系普通酒楼食唔到ge款式~ 特别爱食佢ge稣皮，有淡淡ge牛油香味，妈咪亦都觉得几好食。另一个期待ge点心系香芒沙律盏，食紧先发现系冇芒果肉，只有芒果浆~材料应该有几样，但我剩系食得出苹果haha 卖相靓，味道亦唔错，几开胃ge之后叫左一笼鲍鱼烧卖，睇个样应该好食，不过叫得两粒，当然系比父母食啦~仲有酒楼比较少见ge猪润肠粉。已预先切成6份，每part都有1-2片猪润，几足料。药膳鸡脚亦整得唔错，个汤好好味，鸡脚份量就比较少，我地3人每个分得1只。