影片
更多
2021-07-22
3314 浏览
好耐冇见朋友们，星期日下午茶一聚。一人$258。松露朱古力蛋糕，好浓厚。以为佢系芝士挞，其实系白朱古力挞嚟㗎，朋友话唔太漏仲有啲柠檬味添。呢间餐厅同彼得兔合作，有造型甜品。来到重头戏海鲜，有虾、面包蟹、青口、生蚝。面包蟹盖唔系好多，我主要食肉，表现不俗，蟹肉都重味嘅。青口正常。朋友话生蚝不错。我除咗海鲜最紧张就系甜品。班兰蛋糕正常，两款芝士饼我都食好多，个杏仁挞就好一般，我唔识欣赏。甜品同水果放埋一边，主食放中间。有八款movenpick，士多啤梨有果肉好正，但整体都太甜喇，食到一半开始系咁饮水。重量级推介！呢个应该系烧牛舌。本身喺角落头我见冇乜人拎，以为唔太好食，所以净系拎咗一条，惊佢好靭。点知一食发觉原来超级松化，又重牛味，我净系食过超市切片爽口牛舌，觉得呢个惊为天人呀，所以一个人大概食咗十条！朋友见我拎咁多又试下，都话好正。同佢一齐嘅烧猪肉就相当正常。连粒士多啤梨都有糖衣包住扮萝卜，好得意！啲甜品好可爱呀，但因为太饱同埋好似大多都系朱古力，所以我就冇食啦。
一人$258。
松露朱古力蛋糕，好浓厚。
以为佢系芝士挞，其实系白朱古力挞嚟㗎，朋友话唔太漏仲有啲柠檬味添。
呢间餐厅同彼得兔合作，有造型甜品。
来到重头戏海鲜，有虾、面包蟹、青口、生蚝。面包蟹盖唔系好多，我主要食肉，表现不俗，蟹肉都重味嘅。青口正常。朋友话生蚝不错。
我除咗海鲜最紧张就系甜品。班兰蛋糕正常，两款芝士饼我都食好多，个杏仁挞就好一般，我唔识欣赏。
甜品同水果放埋一边，主食放中间。
有八款movenpick，士多啤梨有果肉好正，但整体都太甜喇，食到一半开始系咁饮水。
重量级推介！呢个应该系烧牛舌。本身喺角落头我见冇乜人拎，以为唔太好食，所以净系拎咗一条，惊佢好靭。点知一食发觉原来超级松化，又重牛味，我净系食过超市切片爽口牛舌，觉得呢个惊为天人呀，所以一个人大概食咗十条！朋友见我拎咁多又试下，都话好正。同佢一齐嘅烧猪肉就相当正常。
连粒士多啤梨都有糖衣包住扮萝卜，好得意！
啲甜品好可爱呀，但因为太饱同埋好似大多都系朱古力，所以我就冇食啦。
张贴
