薩莉亞意式餐廳 (寶林商場) (已結業)

两家人有小朋友，喺将军澳揾嘢食，呢间大人细路都啱食，有许多小食，可以叫多几款试多些不同美食。意大利菜汤丰富材料，好醒胃；周打海鲜汤，香浓忌廉，太好味，未拍照已经畀阿女喝光了。黑椒蚬肉铁板煮，蚬新鲜，大家抢住吃。芝士焗薯角，大量芝士及烟肉，表现一般。欧陆风烤焗长香肠(四条)，皮煎得脆脆，配以新鲜薯角，最喜欢吃这个肠。辣味鸡翼(八只)，味道较辣，啱大人但唔啱小朋友。蒜蓉烧鱿鱼，熟嘅程度啱啱好，唔会韧，加埋特制酱汁，十分惹味。白汁鸡肉菠菜，加了许多芝士焗制鸡肉及新鲜菠菜，很久没吃菠菜了。蕃茄海鲜意粉，材料有虾、青口及蚬，虽然卖相麻麻，但都好吃。菠菜三文鱼意粉，有好多块烟三文鱼，用白汁煮意粉，洒上芝士粉吃更加美味。蒜蓉法包热辣辣好香口。莎乐美肠薄饼，足料芝士，有六块沙乐美肠，点菜后厨师就好快焗出嚟。洋葱蒜蓉汉堡，大量蒜蓉，热辣辣上枱，这个菜式好特别，非常可口。餐品吧任饮$13大人，$8小童，冷热饮品任斟任饮。这餐厅食品多数廿几卅蚊，叫多几款，埋单都唔贵，且没有加一，店员服务殷勤，值得大家来试一试。