阿嫲現烤手工蛋糕 (已搬遷) 新店位置

见到全部系赞既食评，又讲到金叵罗味咁出色，所以路过就买一个试。古早蛋糕个人认为最重要系蛋香、松软同湿润度。阿嫲既蛋糕都够松软既不过无乜蛋香味，响古早蛋糕开到成行成市既情况黎讲，佢唔算出色，亦唔会令我好想特意回购，即使我买既系特别口味金叵罗。金叵罗古早蛋糕$80，暂时未见有其他店做呢个味。表面有好似菠萝包既皮，中间夹住好似凤梨酥馅既肉同蔴糬，不过系好少好少，味道唔突出。总括黎讲系路过又古早蛋糕瘾起既可以一试，但唔洗特意去买，亦未去到一试难忘。可以一赞系店主好落力介绍产品，仲话欢迎预订味道，可以帮你留货。