魚米 (彩雲商場)

营业中

休息中

今晚屋企无煮饭，经外卖app叫咗鱼米食。Order咗个鲜鱼汤五福临门米线，汤底呈乳白色，饮落鲜甜，不过鱼味唔突出，同屋企煲嘅新鲜鱼汤比较始终有段距离。米线软滑，不过都唔会太淋。配料好足料，有鱼蛋、鱼片、贡丸、肉燕饺同腐皮鱼角，味道正常。另加嘅柱侯牛腩同腐皮墨鱼卷就颇有惊喜，牛腩炆得好淋，牛味浓重，肉质松软，牛筋又有咬口，口感丰富。腐皮墨鱼卷新鲜有墨鱼香，咬落有弹性。另外叫咗个小食香茅鸡翼，总共有四只，鸡翼外皮香脆，肉质嫩滑，不过略嫌淡味咗啲。个人觉得呢间米线合格，不过就唔算高分。