凱日粵菜館

营业中

休息中

星期六晚，约咗屋企人系九龙湾食晚饭，谂住揾间易啲揾位酒楼，由九龙湾站经德福花园行去宏开道8号其士商业大厦大约5分钟路程，我记得依度前身系大荣华酒楼，傍晚大概未够六点已经到达酒楼，已经有两枱客。环境光猛，整洁干净，洗手间干净程度一般。我哋六个大人，两个小朋友，叫咗个套餐，幸运美满餐，半席全包$1788，仲包六罐汽水百事七喜，道地罐装饮品。香片茶：水够热，饮咗成晚都唔需要加茶叶都够味，侍应有更换新碟，服务几好。唯一唔好，就系15分钟内上晒所有菜，除咗炒饭及蟠桃！如果分开上菜会比较好啲。咁嘅价钱，真系算好抵食。