影片
更多
2023-12-09
74 浏览
早两日出旺角，心思思想去老麦食一桶鸡，挑战自己食力，但未挑战之前，先要挑战自己财力，望一望手机个Apps，原来无咗$1汽水优惠，一桶6件炸鸡，一般都要$90，加埋杯中汽水$15.5，埋单要$105.5，完全唔值，于是退而求其次，拣咗我都想试嘅爆脆鸡腿包系列套餐配阿华田批，用Apps减$3，加烟肉多$2，配大大啖套餐再加$9，一轮计算后，实付$63。套餐包括烟肉爆脆鸡腿包一个大薯条一包配shake shake 调味粉一包，我拣咗韩式泡菜味阿华田批一个蜜瓜杂果宾治一杯一场嚟到，梗系要用埋佢嘅送餐服务啦！个餐几分钟嚟到，可能畀位靓姐姐吸引到，突然唔记得有调味粉，当佢问我仲有咩需要嘅时候，就好惯性咁叫佢畀多几包茄汁我，佢亦好友善咁转头再畀咗3包茄汁我，唔会因为套餐已经有调味粉而拒绝我呢个要求，或者话返我，换转茶记嘅话，我相信我一定会畀伙记话。到我回神后，发觉佢畀咗包紫菜调味粉畀我，而唔系我想试嘅泡菜味调味粉，但想再揾返送餐嚟嘅姐姐已经见唔到佢，就见附近著制服嘅阿婶换返包调味粉畀我。好嘞心，惯例手机食完到我食，个泡菜调味粉绝对有惊喜，我敢讲系目前推出咗咁多款调味粉中最好食嘅一款味道，有啲酸味，有
套餐包括
烟肉爆脆鸡腿包一个
大薯条一包配shake shake 调味粉一包，我拣咗韩式泡菜味
阿华田批一个
蜜瓜杂果宾治一杯
一场嚟到，梗系要用埋佢嘅送餐服务啦！
个餐几分钟嚟到，可能畀位靓姐姐吸引到，突然唔记得有调味粉，当佢问我仲有咩需要嘅时候，就好惯性咁叫佢畀多几包茄汁我，佢亦好友善咁转头再畀咗3包茄汁我，唔会因为套餐已经有调味粉而拒绝我呢个要求，或者话返我，换转茶记嘅话，我相信我一定会畀伙记话。
到我回神后，发觉佢畀咗包紫菜调味粉畀我，而唔系我想试嘅泡菜味调味粉，但想再揾返送餐嚟嘅姐姐已经见唔到佢，就见附近著制服嘅阿婶换返包调味粉畀我。
好嘞心，惯例手机食完到我食，个泡菜调味粉绝对有惊喜，我敢讲系目前推出咗咁多款调味粉中最好食嘅一款味道，有啲酸味，有啲辣味，但又唔会过酸或者过辣，亦改善咗之前调味粉非常黐手嘅问题，唔经唔觉就成包薯条清空哂。
个包亦好好食，之前食过无加烟肉嘅爆脆鸡腿包，但加咗烟肉就更好食，沙律酱好多，成个包系集脆、软、酸、咸、爽于一包，但又唔会过份，味道恰到好处，非常好食。
阿华田批无惊喜，而且唔系我飞佛，无奈如果我唔连呢个批嘅话，就食唔到烟肉爆脆鸡腿包，于是焗要。
蜜瓜杂果宾治，只有蜜瓜味糖浆而无蜜瓜，杂果亦只系几粒罐头有椰果嘅杂果，贪新鲜如我咁，一试无妨。
呢间老麦嘅员工服务亦相当好，我之前都帮衬过一次，服务都系一样咁好，再者，餐厅位置有一半都系玻璃窗口位，可以望下街景放空，$63一个餐，加埋街景同服务，起旺角区，最低限度系合理之选。
张贴
