藝穗會冰庫 (已結業)

又到食晏時間，1點鐘周圍都多人到喊，呢度唔多人，本身枱又唔多，完全唔會迫😬烤雞沙律係一般嘅Caesar底，生菜好新鮮好爽脆，成碟都唔知有冇5粒煙肉碎... 烤雞預左係呢啲乾爭爭嘅雞，唔難食，但本身都冇期望所以ok啦。忌廉汁什菌意粉，個汁ok嘅，菇都有好多，收貨啦。brownie就好一般，唔係好濃朱古力味，可以唔食慳返啲quota...總括嚟講係中規中矩，兩個人食$200俾呢個質素係合理，經過或近近地可以去試下，特登去就唔洗喇。