板燒郎燒肉鐵板放題料理專門店 (已結業)

平时都有食开放题餐厅嘅，但系永远平嘅价钱都冇一啲比较高质嘅食物质素，但系呢一间餐厅令到我有少少改观。先讲下价钱方面啦，我自己会选择消夜时段食姐因为＄200都唔使就卖到单，而且食嘅食物都系一样。作为精明嘅消费者你梗系要啲最平嘅价钱食最好嘅嘢嫁啦。食物方面，有日式同埋泰式嘅食物，例如烧肉刺身寿司炒菜等等，种类都算丰富，唔会话食嚟食去都个几样。值得一提嘅系估唔到呢间放题烧肉餐厅都会有好多海鲜呢样系最惊喜，而且质素都唔差。对于餐厅嘅评价就系平靓正价钱公道合理之余，食物质素亦都有一定嘅水准，唔会话比啲好低劣嘅食材我哋，加上职员都几热心服务，整体来讲俾人感觉都几舒服，有机会会再返嚟嘅