影片
更多
2009-10-17
71 浏览
食左一个咁烂嘅早餐后, 师傅连食晏嘅胃口都冇呀, 好唔容易先挨到放监, 于是师傅一条友又去左深水埗, 目的系揾只合适嘅老鼠, 师傅揾老鼠绝对唔系揾米奇或者出奇之类, 系揾只可以喺电脑用; 行左一阵仍然未有啱心水, 于是决定打道回府, 但突然气间又想食野, 于是灵机一触就决定黎呢间食店!屈指一算师傅都有年几冇黎过, 所以怀住一伙期待嘅心情, 去到食店都几鬼多人, 呢道系唔会有招呼, 所以要等一阵先揾到位坐; 师傅坐底后就睇下有咩想食, 其实肠粉系必定走唔甩, 再加一碗白粥先啦; 而肠粉就拣左七蚊六条!转个头就有得食, 肠粉同白粥同时登场; 师傅一闻到肠粉就已经好想食, 肠粉系热辣辣加上好滑身, 入口劲滑, 而个豉油劲香劲吸引, 呢个豉油直头系成个肠粉嘅灵魂, 冇咁香咁靓嘅豉油, 就算再滑嘅肠粉亦会失色, 加上有少少儿时企喺街边食肠粉嘅怀旧风味, 正呀; 再加埋麻酱又香, 再配少少甜酱同辣酱仲正, 真系好食到停唔到口, 师傅后悔叫得太少!白粥一碗绝对唔算大碗, 而白粥里面系连少少瑶柱或白果或腐竹都冇, 所以好鬼清淡, 入口非常淡口, 有清洗肠胃作用, 而粥底都煲得算绵, 唔会水多米少, 治
屈指一算师傅都有年几冇黎过, 所以怀住一伙期待嘅心情, 去到食店都几鬼多人, 呢道系唔会有招呼, 所以要等一阵先揾到位坐; 师傅坐底后就睇下有咩想食, 其实肠粉系必定走唔甩, 再加一碗白粥先啦; 而肠粉就拣左七蚊六条!
转个头就有得食, 肠粉同白粥同时登场; 师傅一闻到肠粉就已经好想食, 肠粉系热辣辣加上好滑身, 入口劲滑, 而个豉油劲香劲吸引, 呢个豉油直头系成个肠粉嘅灵魂, 冇咁香咁靓嘅豉油, 就算再滑嘅肠粉亦会失色, 加上有少少儿时企喺街边食肠粉嘅怀旧风味, 正呀; 再加埋麻酱又香, 再配少少甜酱同辣酱仲正, 真系好食到停唔到口, 师傅后悔叫得太少!
白粥一碗绝对唔算大碗, 而白粥里面系连少少瑶柱或白果或腐竹都冇, 所以好鬼清淡, 入口非常淡口, 有清洗肠胃作用, 而粥底都煲得算绵, 唔会水多米少, 治到好处; 师傅喺未试碗粥前, 当攞起已浸喺粥里嘅匙, 发觉系非常污秽, 仲系黑色有渍, 见到后师傅已经成碗唔想食, 尝试想用匙将d粥舀入口中, 最后都系唔成功, 唯有鼓起勇气, 成碗倒入个口, 拿拿声饮左佢, 当时运高睇佢唔到啦!
最后有少少牙痕, 师傅决定加多只粉果, 当送口都好啦! 粉果一只个皮几厚, 攞枝竹签一吉即穿, 粉果馅料就跌左出黎, 而味道一般, 不过不失咁啦 , 而辣椒油亦唔辣, 好普通啫!
总括黎讲肠粉嘅质素真系出位, 但环境同服务就一般, 卫生程度真系值得改善, 而价钱相宜, 埋单十四蚊, 七蚊肠粉, 四蚊白粥, 三蚊粉果, 系几抵食! 师傅有机会都会再黎, 但相信净系食肠粉已经够喇, 笑脸都仲会比, 全因为肠粉! 结论系合益泰肠粉, 唔试你就笨; 合益泰污秽, 你我都知道!
后记: 好彩师傅冇肚泻, 如果唔系一定笑唔出! 最后希望食店能更新食具
张贴
