丼吉日式吉列豬排專門店 (彩星集團大廈) (已結業)

差唔多一个月就会去Tonkichi 食一次炸虾炸猪柳，所以一定会买佢啲现金卷，之后就可以大约83折嘅价钱埋单。今次因为买卷送$400现金卷试食日本空运到港食材嘅特别餐牌，所以一行4人就约好一齐去试。前菜有沙律，鱼仔合桃（甜甜地），𩽾康鱼肝，剌身。第一次食𩽾康鱼肝，有啲担心会腥，不过原来几鲜甜。剌身带子劲鲜甜、Toro入口即化，一试就知系靓野。令和生蚝，散叫要百几蚊只，大大只，鲜甜饱满，一试难忘。寿司八件，件件都好新鲜，最正系只牡丹虾连虾头都炸到好脆，可以食埋。最后个吞拿鱼牛油果饭，酸酸甜甜，我食好钟意，成杯食晒，同行友人就不太喜欢，只食了吞拿鱼，口味嘅嘢，人人唔同。不过overall我哋4个人都食得开心满足。虽然餐厅人手不足，由头到尾得一位戴眼镜嘅哥哥满场飞，不过值得一赞，虽然佢好忙，但佢仍然笑容满面有礼貌，服务亦殷勤到位👍。