琥酌 (已搬遷) 新店位置

约左旧朋友系尖沙咀食饭，当然要揾间chill啲舒服既地方啦，尖沙咀呢间居酒屋好近地铁站，系3楼，远离人群，可以同朋友慢慢坐。顶级安格斯吉列牛超级好味！！份量足够，牛肉味好浓，油脂同肉相融埋既口感真系超正，有3种酱汁同配料拣，个人最推介海盐。软壳蟹卷总共有6件，大大件，配忌廉芝士入口即溶，馅料同饭比例刚好。我地仲叫左西京盛晚市定食，银雪鱼用甜烧既方法配柠檬汁同白饭好好味，帆立贝好大粒且鲜甜，豚肉汤值得一赞，甜而不咸，甜品精致，芒果慕丝醒胃啱做饭后甜品，出色！