吉列牛忌廉烏冬專門店 (彌敦道)

营业中

休息中

喺大阪吃过又平又好味嘅吉列牛，一直念念不忘牠的好。发现旺角都有吉列牛专门店，就约埋个同乡去吃牛止渴，一解乡愁。我哋嘅目标非常明确－－吉列牛同忌廉咖哩乌冬。餐牌上有个套餐系「吉列牛($148)+忌廉咖哩乌冬($78)+汽水两罐= $246」，其实即系要加$20买两罐汽水，唔划算，所以我哋都系散叫。吉列牛定食 $148上菜都几快，我个心沉得仲快。吉列皮系湿嘅，唔脆；牛冇牛味，鞋口，完全系靠啲烧汁去遮丑。其实百几蚊嘅价钱我哋都唔会妄想食到靓牛，但既然呢间餐厅以「专门店」自居，呢个质素真系有多少令人失望。反而配角们几好，白饭系好贴心地加咗饭素，豆腐亦好滑好有豆味。忌廉咖哩牛肉乌冬 $78忌廉咖哩牛肉乌冬就出乎意料地好食，试咗啖斋忌廉，几香几滑。再夹埋底下啲沾满咖哩汁嘅乌冬，唔～原来忌廉同咖哩系咁登对！碗乌冬入面都有少量牛肉，都系冇牛味兼鞋口，再少量啲都唔怕。总括嚟讲，除咗牛之外，其他都几好食。