吉列牛忌廉烏冬專門店 (百樂中心)

营业中

休息中

虽然呢日落大雨，但系冇损我要食美食既决心。其实铜锣湾真系有好多美食！单单系百乐中心都已经层层有野食咁制。今次决定去22楼食韩国吉列牛忌廉乌冬。坐低就二话不说立即点份吉列牛定食，话哂都系呢到既名物，一定要试下。一份定食有一份吉列牛、一碗饭、昆布汤，仲有麻酱豆腐、车厘茄作为小食。食吉列牛既精髓就系食之前先要动手将内里仍未熟既吉列牛放系炉上烧，炉仔十分的骰，啱哂一个人自助咁烧。烧之前细看吉列牛，估计系先上炸粉炸好外皮，再切开一块块整齐排列好。薄薄既炸皮包住仍带著粉嫩色的牛肉，望见都口水直流。用筷子夹起吉列牛放系炉上烧，听住从炉上传来既滋滋声，已经闻到令人垂涎欲滴既油脂因加热而产生既香气。烧咗阵之后，夹起吉列牛翻到另一面，立即见到热力令原来的粉嫩色变得更浅色。要烧到几成熟，完全系任由你控制。我个人就喜欢烧到表面有微微金黄色，但内里仍保持粉嫩。放入口咀嚼，吉列皮一D都唔厚，而且变得更香脆，牛肉够嫩够鲜甜，油香立即充满口腔，特别喜爱外脆内软既感觉。食野点可以冇碗白饭？所以一份定食会有上面铺有饭素既白饭，软糯带甜，配埋吉列牛食好夹。见到咖喱配忌廉，心里面都觉得两者「大缆都扯唔埋」，但系身为呢到既名物