吉列牛忌廉烏冬專門店 (彌敦道) (已結業)

今日去旺角行街，夜晚拣咗嚟呢一间吉列牛专门店食饭，叫咗佢最招牌嘅套餐同埋小食，有齐吉列牛定食，咖哩忌廉乌冬，仲有两杯汽水，可以加钱变成特饮：吉列牛定食定食好丰富应有尽有，前菜就有胡麻酱蕃茄仔同埋滑豆腐，仲有我最爱嘅面豉汤。白饭上面铺有饭素，仲有两个酱汁有和风酱汁同埋芥末酱。吉列牛有好多件，放上迷你烧炉上面，热一热做到半生熟嘅效果 。牛味浓又够软淋，出面嘅吉列皮亦都够香脆 超级满足咖哩忌廉鸡肉乌冬买相好好，打卡一流，乌冬上面嘅忌廉铺得好满，白雪雪好似雪山咁样。捞起入面嘅乌冬 ，每一条都挂满咖哩汁， 仲有件件鸡肉，鸡肉嫩滑，咖哩汁好入味， 整体好惹味滋味单骨鸡翼我最爱食单骨鸡翼，因为比较容易食，鸡翼上面铺满滋味粉，有啲似芝士粉再加埋微微嘅辣粉，好惹味而且鸡肉好juicy有汁紫薯latte 嚟到系梦幻嘅紫色，上面有cream，饮落紫薯味超香浓，钟意紫薯嘅一定唔可以放过韩国柚子蜜 唔会太甜，食到粒粒柚子肉，好解腻