影片
更多
2021-05-13
2461 浏览
继台湾、韩国之后，最近非常人气嘅日本过江龙炸牛扒专门店「牛カツ京都胜牛」喺今年二月终于登陆香港，选址铜锣湾Tower 503地库，而第二间分店都系最近登陆左将军澳，将军澳店更会有新款式登场。要数喺日本必食嘅嘢食，吉列牛绝对系近年来嘅人气之选，呢间京都胜牛系一间喺日本好受欢迎嘅吉列牛专门店，由2014年喺日本关西京都站前开店之后，即刻成为日本Twitter热门搜寻榜第一位，之后好短时间内喺日本开设20间分店，甚至扩展到全球，好似加拿大、韩国、台湾，短短七年系全球开设超过60间分店。餐厅主打各个部位嘅吉列牛，牛肉都系选用美国同纽澳牛肉，配搭自家调配粉浆，台湾有供应铁板牛，不过见到香港分店暂时就未有。除左招牌吉列牛外，店内仲有和牛丼、锅膳、炸猪排、海老猪扒等炸物或者海外限定款式嘅菜式好似三文鱼柳。-1️⃣ 京都胜牛三味套餐 💰218（👅: 8.5/10）套餐可以一次品尝炸翼板、厚切菲力同薄片酱味牛，呢款系日本店都系人气款式，唔知系咪我去𠮶时系开业冇耐，所有好多嘢都系有待改善，套餐上枱之后店员冇讲解边样打边样，亦都冇放牌系牛上面，要事后问店员先知。香港店所有吉列牛排都系沿用总店做法、牛种及部位，裹
继台湾、韩国之后，最近非常人气嘅日本过江龙炸牛扒专门店「牛カツ京都胜牛」喺今年二月终于登陆香港，选址铜锣湾Tower 503地库，而第二间分店都系最近登陆左将军澳，将军澳店更会有新款式登场。
要数喺日本必食嘅嘢食，吉列牛绝对系近年来嘅人气之选，呢间京都胜牛系一间喺日本好受欢迎嘅吉列牛专门店，由2014年喺日本关西京都站前开店之后，即刻成为日本Twitter热门搜寻榜第一位，之后好短时间内喺日本开设20间分店，甚至扩展到全球，好似加拿大、韩国、台湾，短短七年系全球开设超过60间分店。
餐厅主打各个部位嘅吉列牛，牛肉都系选用美国同纽澳牛肉，配搭自家调配粉浆，
台湾有供应铁板牛，不过见到香港分店暂时就未有。除左招牌吉列牛外，店内仲有和牛丼、锅膳、炸猪排、海老猪扒等炸物或者海外限定款式嘅菜式好似三文鱼柳。
-
1️⃣ 京都胜牛三味套餐 💰218（👅: 8.5/10）
套餐可以一次品尝炸翼板、厚切菲力同薄片酱味牛，呢款系日本店都系人气款式，唔知系咪我去𠮶时系开业冇耐，所有好多嘢都系有待改善，套餐上枱之后店员冇讲解边样打边样，亦都冇放牌系牛上面，要事后问店员先知。
京都胜牛三味套餐
$218
23 浏览
1 赞好
0 留言
香港店所有吉列牛排都系沿用总店做法、牛种及部位，裹浆用日本技术干面包糠、面粉、鸡蛋制作，而且按照指定黄金比例调配，吉列牛用190度的高温快炸60秒，上枱时系三分熟，所以可以睇到外皮入面既牛排都系红红地色，每枱会供应一个小烤炉，食客可以自行加热至自己岩既熟度，指示系大概煎10秒左右就会变成medium rare既状态，不过吉列牛本本身唔算热，加热左都唔会热辣辣。
京都胜牛三味套餐
$218
35 浏览
1 赞好
0 留言
京都胜牛三味套餐
$218
25 浏览
1 赞好
0 留言
香港同日本唔同既系香港唔系用日本牛肉，而系用澳洲同美国牛肉。牛扒入面透红，炸衣金黄，食落酥脆唔会话好易同肉分离，入口唔算油腻。
菲力食落系三个当中牛肉味最突出，因为佢系后腰内肉，肉质偏瘦但咬落都算软腍食落油脂丰富，咬落肉汁JUICY;而翼板姐系日本菜单上「羽下」部位，系牛肩较软既位置既，肉味比起菲力会无咁重，但佢系口感最好，肉质软得黎带小小筋有嚼劲，肉汁都锁左系入面，而且带油香，有小小入口即化既感觉;而薄片酱味牛系用菲力配上自家调制酱汁，个人觉得佢比起其他两个较熟，二黎自家调制酱汁偏甜，甜到盖过左牛既味道。
整体牛肉唔会话有太多筋咬唔开，有牛牛味浓郁啲，有牛肉质腍啲。试哂三种牛觉得翼板系最好食，如果单点就即系佢地既元祖炸牛排套餐，因为牛好睇个人口味，有人钟意食牛味重有人钟意腍身，我觉得翼板既口感满足到我，其次系菲力，之后系薄片酱味牛。
而酱料有提供山椒盐、牛扒汁、鲣鱼昆布汁、咖喱酱、Wasabi，另外可加$15配温泉蛋，为保持质素，所有酱汁都系由日本直送。山椒盐食落有小小辣，可以突出牛肉既鲜味。牛扒汁食落就重味啲，令牛更加浓郁惹味。鲣鱼昆布汁唔会好咸，味道淡小小，就算加Wasabi食都唔会盖过牛肉既味。咖喱酱略嫌有D咸，加牛会盖过牛味，但送饭就绝对无问题。个人觉得同牛扒最衬既系牛扒汁同山椒盐。
京都胜牛三味套餐
$218
13 浏览
1 赞好
0 留言
呢个套餐包左一碗饭、面豉汤、沙律、渍物。饭系一般麦饭，食落腍身黏口饭系一般麦饭，食落腍身黏口。面豉汤饮落唔算咸，饮完唔会口渴。
沙律几新鲜，可以加柚子醋或麻酱，几开胃，加醋感觉比较清新同解腻。渍物食落都系酸酸甜甜，开胃菜。另外一提呢度既面豉汤、沙律、饭都系可以无限追加，所以大食既人只要叫套餐就一定食得饱。
-
2️⃣ 东京风牛排锅膳套餐 💰138（👅: 8.5/10）
东京风牛排锅膳套餐
$138
19 浏览
1 赞好
0 留言
原本见到餐牌有澳洲极上和牛，但问完店员话冇，但帮衬个时其实人流唔多，所以谂紧系咪啱啱开舖所以货源未稳定而无，最后就叫咗呢个系日本好常见嘅锅膳套餐。
上枱时系用热锅上，温度足够。牛排用上牛肩胛芯，配上特制蛋汁同洋葱酱。牛扒加上滑蛋，食落有小小似亲子丼，香港说法系滑蛋牛排，平时见日式滑蛋猪扒多，配牛系比较少见，牛肩胛芯炸过再加上酱汁同煮，入口爽腍，油花均匀细致
，滑蛋令到牛扒唔会太干身，味道上都同蛋好夹，唔会话太过咸。而蛋食落够滑，会食落甜豉油嘅味道，牛排同蛋既咸香味送饭一流，锅底有半熟既滑蛋，不过耐左啲蛋都会熟返。总结系钟意咸甜味道、送饭既你会好钟意，个人觉得比起京都胜牛三味套餐更出色。
-
3️⃣ 日本清酒豆腐雪糕 💰58（👅: 7.0/10）
日本清酒豆腐雪糕
$58
28 浏览
1 赞好
0 留言
豆腐雪糕豆腐味足够，但食完完全唔觉得有清酒味，净系食到豆腐味而唔系酒香，感觉有小小比人呃左咁，但豆腐雪糕有加上黄豆粉脆脆食落口感唔错。
-
4️⃣ 麻糬雪糕糯米滋 💰58（👅: 8/10）
麻糬雪糕糯米滋
$58
10 浏览
1 赞好
0 留言
唔系得外表好睇，外层系烟靭既抹茶麻糬皮，入面系包著抹茶同云呢拿雪糕，麻糬皮食落够烟韧，抹茶同云呢拿味唔算好甜但够味，抹茶雪糕香甜回甘。
麻糬雪糕糯米滋
$58
22 浏览
2 赞好
0 留言
-
🌟食完呢间过江龙既结论系如果要排队就唔会食，会拣隔离间段纯贞，而如果再食既话唔会拣京都胜牛三味套餐，因为试过哂觉得冀板系最好食，直接叫冀板套餐性价比会高啲，同埋会想试佢个澳洲极上和牛。不过牛肉整体唔会话有好多大惊喜，始终香港同日本本店水准系有一段距离，而且唔系用日本和牛，口感同味道唔会令到人有好大惊喜。
-
👅味道: 8/10
🍴环境: 7/10
💰消费: $472 (服务费: 10%)
张贴
