秘 (偉晴街)

营业中

休息中

之前听朋友讲呢度要排好耐队，所以今日专登6点令钟黎，一黎到就有枱。我地点左3款牛: 板烧吉列牛 ($108)，烧黑松露吉列牛 ($148)同板烧安格斯牛 ($108)。每个餐都可以再加配定食($38) - 秘之饭素，枫糖流心蛋同樱花昆布汤，又或者再加$20有樱花金鱼汤，不过今日卖唒无得试。3款入面我最欣赏黑松露吉列牛，因为好多黑松露，未烧都巳经好香，烧左嘅吉列黑松露边好脆好浓黑松露味，比普通吉列正好多。至于安格斯牛，食得出牛嘅质素系比较好。另外，个饭好好食，佢加左盐木鱼芝麻同紫菜，加埋酱汁真系一流。不过个汤就无咩味。顺带一题，始终系铁板烦，好弹油同埋食完之后都成身油溢味。同埋呢度只收现金。