御品·千之味 (深水埗) (已結業)

喺附近鸭寮街买完野之后揾个地方食饭，见到呢间小店嘅日式食品都好似几高质素，又坐得几舒服所以黎试吓！基本上呢条街夜晚食客都唔算特别多，坐得好松动好舒服，又唔会赶时间赶你走。火焰寿司拼盘有齐三文鱼、带子、左口鱼及熟客等八件各一只，一次过试齐咁多个味道都几抵食，我最钟意火焰芝士三文鱼寿司，啲芝士浓郁得来有唔会掩盖左三文鱼嘅鲜味；另外火焰熟虾的虾好大只。钏路丼有齐海胆、赤虾及三文鱼腩等，个饭嘅份量好大，海胆亦都好肥美，最有惊喜系个赤虾，好大只好新鲜，个虾头入边都有肥膏。最后就系我最钟意嘅吉列蚝，炸得刚刚好，一口咬落去啲蚝味道即刻涌出嚟。